三房嘅磚屋大地皮65萬但有一個致命傷！

星期六朝早，又係我嘅工作天。嗰日幫個客去呢區睇樓，順便睇埋呢間。

同大家講吓呢個盤，睇AGENT既相係正正常常（第一張），三房嘅磚屋，大地777SQM，而且價錢仲好抵添。喺成個 Brisbane 30分鐘車程去到City嘅，其實都冇咩呢啲價位啦。

不過睇現場又係另外一回事啦。呢間屋其實佢個好處就係高地勢，正門係俯瞰對面屋頂嘅。但係問題佢條 Driveway真係好斜好斜，我自己覺得出入就好唔方便啦。

Advertisements - ANP 提供買家中介服務，詳情請點擊海報查詢

另一個致命傷，一個咁斜嘅前園，呢其實佔左地皮都200-300SQM. 大家可以睇下俯瞰圖就明。俯瞰圖仲有紅色 Contour線，前後都差成5米。

所以呢個時勢，開價開得平，都係有古怪。呢間屋我都有啲片，有興趣可PM。

Advertisements - ANP Cornubia 優質地皮現正發售！