睇第一張相係咪好靚呢，塊地又大又夠平，仲要喺係海邊，而家間屋入面，靚靚囝囝可以即刻住，地點都唔算係山旮旯，揸10分鐘車就可以去到火車站同埋商店。
呢間屋個 price range 係2M-3M，我嗰日都去Auction。
間屋就一般啦, 其實大家都係買地皮嘅。不過買地皮之前, 一定要做好功課。
呢間屋個真正業主係一個好大嘅 Land developer, 呢個Land developer其實早年就買咗圖中綠色圈圈一大塊海邊靚地，之後佢入紙Council申請將佢分割。
橙色圈係 Land developer 𠝹左 52塊細地皮出嚟，而家就賣緊 house and the package。咁點解佢唔做埋 Lot 53同埋Lot 900啊？就係因為冇得𠝹囉。Council 唔俾分地既理由可以有好多，地積比，Zoning，太近海之類。
如果近買家一心想好似橙圈咁分地，就應該會失望啦。而且黃圈塊地，係望到海，但係無 Access，因為行落海條路，其實係 Lot 900 架。
中途仲有個小插曲，話說有對父母想BID呢間屋，出到2.3M之後就冇力再出啦。佢個大約 10歲既女知道咗之後，就開始喊啦。我覺得呢個小女孩真係有前途呀，其他小朋友喊可能係為咗粒糖，呢個小女孩喊係為左間 2.3M嘅屋呀！ 間屋最後成交價 2. 51M。
Chinese